راست گویم قسم بہ جان مجیب

جان مجیب کی قسم سچ کہتا ہوں کہ حضرت پیر مجیب کا دہنِ مبارک، گنج شکر ہے یعنی ان کی زبان سے ہمدردی، محبت اور مہرو کرم کی میٹھی بولیاں ہی نکلتی تھیں، یہ حضرت کے اخلاق کی تعریف ہے)۔

زاہدوں کا مجمع ہے اور حلقۂ محراب (مسجد) لیکن میں ہوں اور پیر مجیب کے محراب نما ابرو (زاہدوں کی طاعت و عبادت رسول ظاہری کے مطابق ہے لیکن میرا مرکز عقیدت اور مرکز نگاہ حضرت پیر مجیب کی ذات ہے، عشق الٰہی اور اخلاص عملی میں ان کی اتباع کرتا ہوں)۔

فردؔ جب پیر مجیب کے غلاموں کے زمرے میں آگیا تو اس کو انہوں نے خواجگی کا مرتبہ عطا کیا (خواجگی سے یہاں مرتبۂ علمی اور روحانی مراد ہے اور ممدوح کی مدح کا ایک پہلو بھی ہے کہ حضرت تاج العارفین کا یہ مرتبہ ہے کہ ان کے خدام و منتسبین قیادت و سرداری کے حامل ہوتے ہیں)۔