صورت انسان کامل را نشاں مولائے روم

انسان کے کمال کی صورت کا نشان مولانا روم ہیں، وحدت کے راز کے شرح و بیان کی انتہا مولانا روم ہیں۔

میری آرزو ہے کہ ایک پھر قونیہ میں مولانا روم کے آستانِ آسمان پر سرِ نیاز جھکاؤں۔

میری طرف توجہ فرمایئے کہ میں آپکا چاہنے والا ہوں میرے مرشد میرے ہادی ، جان کی جان مولانا روم ہیں۔

دن رات میں آپ جناب کے بلند و بالا خیال میں ہوں اس لیے کہ اے مولانا آپ کی یاد جان کا سکون ہے۔

میری زندگی برباد ہو چکی اور میں نے اپنی عمر خراب کر لی، اے مولائے روم آوارہ طبع کے احوال پر رحم فرمائیے۔

میرے جان و دل میں آپ کی محبت کے سوا اور کچھ نہیں میں اپنے جسم میں مولائے روم کو روح و روان دیکھ رہا ہوں۔

میں گناہوں کے لاعلاج درد کا مریض ہوں اے مہربان طبیب مولائے روم میری چارہ سازی فرمایئے۔

میں بے حال اور تھکا ماندہ زندگی سے منہ موڑ چکا ہوں اے مولائے روم آپ کی جانب پناہ و امان کا متلاشی بن آیا ہوں۔

جہاں کے غموں اور تمام مصیبتوں سے تو فارغ ہو جائے، اے مشتاقؔ اگر تو مولائے روم کو ورد زباں کر لے۔