بیا تا گل بر افشانیم و می در ساغر اندازیم

آ، تا کہ پھول برسائیں اور ساغر میں شراب ڈالیں

آسمان کی چھت کو پھاڑ ڈالیں اور نئی بنیاد قائم کریں

اگر غم لشکر کشی کرے، تا کہ عاشقوں کی خون ریزی کرے

میں اور ساقی متّفق ہو جائیں، اور اس کی جڑ اکھاڑ پھینکیں

سُرخ شراب کے پیالے میں، گلاب ملائیں

خوشبو پھیلانے والی نسیم کی انگیٹھی میں، شکر ڈالیں

جبکہ تیرے ہاتھ میں اچھّا باجا ہے، اے مُطرب اچھا گانا گا

تاکہ رقص کرتے ہوئے ہم غزل پڑھیں اور ناچتے ہوئے سر دھنیں

اے صبا، ہمارے وجود کی خاک کو اِس بلند دربار میں ڈال دے

ہو سکتا ہے کہ ہم اس حسینوں کے بادشاہ کے رخ کو دیکھ لیں

ایک عقل کی ڈینگیں مارتا ہے، دوسرا کرامات کی بکواس کرتا ہے

آ، ہم ان جھگڑوں کو خدا کے سامنے پیش کر دیں

اگر تو بہشتِ عدن چاہتا ہے، ہمارے ساتھ میخانہ میں چل

کہ تجھے پائے خم سے سیدھا، حوض کوثر میں ڈال دیں

سخندانی، اور خوش الحانی شیراز میں پسند نہیں کرتےہیں

آ، حافظ تا کہ ہم اپنے آپ کو، دوسرے ملک میں پھینک دیں