ہر چند تو شاہ و ما گدائیم

اگر چہ آپ بادشاہ اور ہم آپ کے گدا ہیں،

لیکن گدا جان کر ہم سے دامن نہ چھڑائیے کیونکہ ہم آپ کے عشق میں مبتلا ہیں۔

جب ہم پر آپ کی غلامی کا داغ لگ گیا ہے

تو ہم جہاں بھی ہوں گے بادشاہ ہوں گے (یعنی آپ کی غلامی کی بنا پر عزت و مرتبے کے لائق ہوں گے)۔

اگر خلعت خاص کے لائق ہم کو نہیں سمجھتے ہیں

تو کتوں کے پٹوں سے تو محروم نہ کریں (وہی ہمارے گلے میں ڈال دیں تو ہمارے لئے خلعت خاص سے کم نہ ہوگا)۔

جامی! محبوب کی جفا کا عادی ہو جا۔

تجھ کو معلوم ہے کہ ہم لوگ ان لوگوں میں نہیں جن سے وفا کی جاتی ہے (یعنی عشق میں خود کو اس لائق نہیں سمجھنا چاہئے کہ معشوق توجہ خاص کرے، کیونکہ عشق ان سب باتوں سے ماورا ہے۔ محبوب جو بھی سلوک کرے، جذبۂ عشق میں کمی نہیں ہونی چاہئے)۔