ہر لحظہ بہ شکلے بت عیار بر آمد دل برد و نہاں شد

ہر لحظہ وہ بتِ عیار ایک نئی ہی شکل میں ظاہر ہوتا ہے،دل چھینتا ہے اور غائب ہو جاتا ہے۔

ہر دم وہ یار دوسروں کے لباس میں ظاہر ہوتا ہے، کبھی بوڑھے کے روپ میں اور کبھی جوان کے۔

وہ خود ہی کوزہ ہے، خود ہی کوزہ بنانے والا اور خود ہی کوزہ کی مٹی اور خود ہی رند و مے خوار ہے

خود وہ اس پیالے کا خریدار بن کر آتا ہے، اور اسے توڑ کر چلا جاتا ہے۔

نہیں نہیں یہ وہ تھا جو ہر صدی میں آتا اور جاتا رہا اور آخر کار وہی عربی صورت میں ظاہر ہوا اور دنیا کا ماملک بن گیا

نہیں نہیں وہی ذات تھی جو خدائی آواز میں اناالحق کہتی تھی وہ منصور نہ تھا جسے دار پر چڑھا دیا گیا اور جاہلوں نے گمان کر لیا کہ وہ وہی ہے

بے شک وہی ذات تھی جو ید بیضا لیے چرواہی کرتی تھی۔ وہی ذات عصا میں ظاہر ہوئی، وہی سانپ کی صورت میں نمودار ہوئی اور وہی بادشاہوں کا افتخار بنی۔

وہی ذات چند لمحے زمین پر سیر و تفریح کرتی رہی۔ وہی عیسیٰ بن گئی وہی گمنبد فلک پر نمودار ہوئی اور وہی تسبیح کرتی نظر آئی۔

منسوخ کیا ہے اور تناسخ کیا ہے۔ حقیقت یہ ہے کہ وہی حسین دلبر

تلوار بنا اور حیدر کرّار کے ہاتھ میں آکر زمانے کا جنگجو بن گیا۔

رومیؔ نے کبھی کفر کی بات نہیں کی اور نہ وہ کرتا ہے، وہ منکر نہیں ہے۔

کافر تو وہ ہے جس نے انکار کیا تھا یعنی شیطان اور وہی دوزخیوں میں سے ہے۔