خود تاج بہ سر صورت شاہانہ بر آمد دارائے جہاں شد

سر پہ تاج رکھ کر خود شاہانہ صورت میں ظاہر ہوا، اور دنیا کا بادشاہ ہوا۔ اور خود ہی گدڑی اوڑھ کر گداؤں کی صورت بنائی اور دکان دکان پھرا۔

حقیقتاً عالم غیب کے پردے میں جو چھپا تھا، وہ وہی خدا ہے وہی نہاں خانۂ غیب سے صورتِ زیبا لے کر ظاہر ہوا اورعین وعیاں ہوگیا۔

کبھی لیلی کی صورت میں مسند خوبی پر متمکن ہوا اور کبھی قیس و مجنوں کی صورت اختیار کی اور عاشق دیوانہ بن کر بے گھر ہوا۔

خود وہی ہے جو جیلان سے بغداد آیا اور شیخ عالم بنا، اور خو دنیاز کی صورت اختیار کر کے بانداز مریدانہ ظاہر ہوا اور معتقدوں میں شامل ہوا (پوری غزل کا مجموعی مفہوم یہ ہے کہ مذکورہ تمام صورتوں میں ذات وصفات باری تعالی کا ظہور ہوتا رہا۔ یعنی اس کی ذات و صفات کے عکوس مختلف شکلوں میں ظاہر ہوتے رہے۔