گر خدارا دوست داری خاموشی باید گزید

اگر حق کے سچے عاشق ہو تو خاموشی اختیار کرو، اس راہ میں رنج و غم کو برداشت کرنے کے بعد خاموش رہنا ہی بہتر ہے۔

زبان بندی سے دل بہت خوش اور مسرور رہتا ہے، بس بہار کے پھول کی مانند خاموش رہنا ہی بہتر ہے۔

خاموشی تیرے کانسی کے بدن کو سونے میں تبدیل کر دیتی ہے اور دونوں جہانوں میں کامیابی و کامرانی سے ہمکنار کرتی ہے اس لیے خاموش رہنا ہی بہتر ہے۔

اپنے آپ کو ہمیشہ خدا کے حضور میں پیش رکھو، اپنے تمام کام اسی کے سپرد کر دو اس لیے خاموش رہنا ہی بہتر ہے۔

اس سے کہہ دو کہ دل کی سر زمین پر بہار کی بجائے خزاں کا موسم ہے، نجات کے آثار بھی نظر نہیں آ رہے ہیں، اس لیے خاموش رہنا ہی بہتر ہے۔

اے دوست! میرے دل کے باغ کا پاسباں بن جا اور ایک لمحہ بھی اس کی نگہبانی میں غفلت کا مظاہرہ نہ کرنا، اس لیے خاموش رہنا ہی بہتر ہے۔

اگر خاموشی کے باغ سے ہمیشہ پھل حاصل کرنا چاہتے ہو تو اس کے اشکوں سے آبیاری کرو، اس لیے خاموش رہنا ہی بہتر ہے۔

یار کے وصال کے لیے عثمان رات دن گریہ و زاری میں مصروف ہے مگر اس کے لیے خاموش رہنا ہی بہتر ہے۔