من آں نورم کہ اندر لا مکاں موجود بود استم

میں وہ نور ہوں کہ جو لامکاں میں موجود رہا ہوں

میں اپنی چمک کا خود ہی محبوب و مشہود رہا ہوں

نہ دنیا کا کوئی ذکر تھا، نہ آدم کا کوئی پتہ تھا

کہ میں خود اپنے حسن کے نظارے پر مسرور رہا ہوں

میری پنہائی، ظہور کی خواہش سے اس قدر مسرور ہوئی

کہ ایک نقطہ ہونے کے ساتھ میں سیکڑوں دراز لکیریں رہاں ہوں

دونوں جہاں کا ہیولا، میرا جسم اور روح اس کا مادہ ہے

جسم و جان کے حریر میں میں تانے بانے کی طرح رہا ہوں

کسی غیر کی ہستی کے وہم کے دفاع اور شرک کے دور کرنے کی خاطر

انبیا اور اولیا کی شکل میں میں موجود رہا ہوں

میں آدم کا لباس پہنے ہوئے فرشتوں کا مسجود ہوا

میں محمد کی شکل میں حامد اور محمود رہا ہوں

کبھی ادریس، کبھی شیث، کبھی نوح، کبھی یونس

میں کبھی یوسف، کبھی یعقوب، کبھی ہود رہا ہوں

کبھی صالح، کبھی ابراہیم، کبھی اسحٰق، کبھی یحییٰ

میں کبھی موسیٰ، کبھی عیسیٰ، کبھی داؤد رہا ہوں

میں ایک طبقے کے لئے آج ان کے حالات کا نقد ہوں

دوسروں کے لئے روز جزا کا موعود رہا ہوں

حقیقت کے سمندر میں عالی ہمت تیراکوں کے لئے

ہر زمانے اور ہر دور میں میں گوہر مقصود رہا ہوں

اے نیازؔ حقیقت میں میں لا یزال ولم یزل ہوں

مگر ان مشخصات کے ساتھ میں معدوم اور فنا ہوجانے والا رہا ہوں