من ز سودائے محبت والہ و دیوانہ ام

میں محبت کے جنون میں پاگل و دیوانہ ہوں،

ایک بے قرار اور سرگشتہ عاشق ہوں، جو اپنے محبوب کے رخ کے حسن میں محو ہے۔

میں ساقی کی مخمور نگاہوں سے مست و سرشار ہوں اور پیر مغاں میرے میخانہ کی خاک ہے۔

اے ساقئ بادہ فروش میں تجھ پہ قربان ہو جا‍‍‌ؤں جو تو مخمور کر دینے والی شراب سے میرے جام کو بھر دے۔

میں اپنے محبوب کا عبادت گزار ہوں، اور میرا معبود اس کا حسن ہے۔

میں ایسی منزل میں رہنے والا ہوں جو کعبہ اور بت خانہ دونوں سے ماورا ہے۔

اے زاہد! اپنا کام کرو اور میرے کفر و ایمان کے بارے میں نہ پوچھو۔

میرا طریقِ زندگی عشق اور رندی ہے، میں تو ایک دیوانہ عاشق ہوں۔

دلبر کے حسن کی وہ تجلیاں طور کی تجلی کی مانند ہیں،

انہی کی ہزاروں بجلیوں اور شعلوں نے میرے دل کے گھر کو جلا کر خاک کر دیا ہے،

پیر مغاں کے میخانہ میں معشوقوں میرا وقت خوشی خوشی گزرا یہاں تک کہ اے احمد! رندی میں میری داستان مشہور ہوگئی ہے۔