گو نامہ سیہ کردم از بسکہ گنہگارم

ہے سیہ نامہ بہت سخت گنہگار ہوں میں

پھر بھی دریوزہ گرِ رحمتِ غفار ہوں میں

میری تکفیر کریں یاروں کے لب اور قلم

ان کی بخشش کا مگر حق سے طلبگار ہوں میں

جب سے ہے میرا خدا بینوں کے کوچے میں گذر

رنگِ خود بینی سے بیزار ہوں بیزار ہوں میں

دلِ شیدا مرا رم کردہ ہے غیر اللہ سے

ہوش میں مست ہوں میں کام کا بیکار ہوں میں

جب سے پی ساقیٔ مستانہ کے ہاتھوں میں نے

مست ہوں عریاں ہوں قصندہ ہوں سرشار ہوں میں

ملک غالب کا ہے شہرت ہے یہی میری بھی

قربتِ حق سے بلندی پہ ضیا بار ہوں میں

دوست کیا سلسلۂ فقر مرا پوچھتے ہو

طالب مہرؔ شہِ حیدرِ کرّار ہوں میں