آشفتہ مہروئے پر ناز و ستم گارم

میں اس چاند سے چہرے والے محبوب کا شیدائی ہوں جو سراپا ناز اور اپنی ادائے حسن سے جفا پیشہ بھی ہے، میں اس نازنین دلبر کے ابرو کا مقتول ہوں یعنی میرے محبوب نے مجھے اپنے دو ابرو سے جو قوس مثالی نظر آتے ہیں قتل کر دیا ہے۔

محبوب کی سیاہ آنکھوں کی یاد میں سارا دن سیاہ ہو گیا ہے، اس کے پلکوں کے تیر سے سو کانٹے میرے دل میں چبھے ہیں۔

اس کی پریشان زلفوں کے خیال میں خانہ بدوش مسافر بن گیا ہوں، اس کا پاکیزہ چہرہ جو قرآن پاک کی مانند ہے اس سے کئی آیات خدازبر رکھتا ہوں۔

عشق آ گیا ہے اور مجھ میں سریان کر گیا جیسے خوشبو گلاب کے اندر سریاں کرتی ہیں، وہ مجھ میں ہے اور میں اس میں ہوں یہ میرے رازوں میں سے ایک راز ہے۔

میں نے گھر سے قدم باہر نہیں رکھا اور یہ عجیب تماشہ دیکھو کہ ہمارے پاؤں سب چھالے ہی چھالے ہی عمر گزری کہ ہم سیر کرنے والے ہیں۔

وہ ذات تھی اور اس کے ساتھ کوئی نہیں تھا اب بھی وہ اسی طرح ہے جس طرح پہلے تھا یہ میرے دل زار کا آنکھوں دیکھا حال ہے۔

خدا تعالیٰ کے دیکھنے والوں کے کوچے میں میرا جب سے گزر ہوا میں خود بینی کے مذہب سے بیزار ہوں بیزار ہوں۔

جب سے میرے مست ساقی نے میرے گلے میں شراب محبت ٹپکائی ہے میں عریاں و خراب ہوں رقص کر رہا ہوں اور شراب محبت سے مست ہوں۔

جب سے میں نے علوم دل کے دروازے کی معرفت حاصل کی ہے اسی دن سے حضرت مولیٰ علی کا دل و جان سے فریفتہ ہوں۔