باز یاد آں گلستاں آید ہمی

1. پھر اس گلستاں (مدینہ طیبہ) کی یاد آرہی ہے۔ دل بلبل کی طرح فغاں کر رہا ہے۔

2. مبارک ہے وہ راستہ (مدینہ کی گلیوں کا) جس کی جان فزاں ہوا سے یار مہربان کی خوشبو آرہی ہے۔

3. پھر نغمہ سنج ہو اے حدی خواں! پھر نغمہ سنج ہو، تاکہ کاروان (محبت) منزل تک پہنچے۔

4. اے کہ مبارک ہے وہ آنکھ کہ جس میں حسرتوں کے بعد منزل جاناں عیاں ہورہی ہے۔

5. آپ کے آستانے سے سر کو راحتیں تھیں، پھر وہی سر آستاں پر آرہا ہے۔

6. ان کی گلی کی بہترین خوشبو مشام میں اور تن مردہ میں جان کی طرح آرہی ہے۔

7. اے کہ وہ وقت کتنا اچھا اور وہ ساعت کتنی مبارک ہے کہ محبوب عاشقوں کے سامنے آرہا ہو (اس شعر میں شاعر گرامی کا مقصد حاضری روضۂ انوار اور زیارت حبیب دوعالم کو بیان کرنا ہے۔ یہاں بظاہر یہ کمی معلوم ہوتی ہے جب عشاق وہاں جارہے ہیں تو وہ محبوب کے سامنے ہوتے، نہ کہ محبوب ان کے سامنے آئے، لیکن اس مفہوم میں محبوب میں ایک نقص تھا کہ اس صورت میں محبوب پر ہر کس وناکس کی نظر پڑے گی، مذکورہ مفہوم میں محبوب کی جلوہ افروزی صرف عاشق صادق کے لئے خاص ہے، اور یہ مفہوم محبوب کے رتبۂ بلند کے اعتبار سے صحیح ہے)۔

8. محی تمہارا بلبل اور تمہاری گلی اس کے لئے گلستاں ہے۔ بلبل اب گلستاں میں آرہی ہے۔