ز خویش رفتم چنانکہ گویم انا محمد انا محمد

1. میں (ان کی ذات میں فنا ہوکر) اپنے آپ سے ایسا گذر چکا ہوں کہ کہتا ہوں میں محمد ہوں میں محمد ہوں۔ جب میں اپنے دل سے دوئی کا نقش دھو ڈالتا ہوں توکہتا ہوں میں محمد ہوں میں محمد ہوں۔

2. ان ہی کے نور سے میرا عدم وجود ہے، ان ہی کا ظہور (معنوی) میرا سراپا ہے، تو اب یہ کہنے کا حق ہے کہ جب میری ذات مکمل ان ہی کی ذات ٹھہری تو میں محمد ہوں میں محمدہوں ۔

3. میرے اندر سے یہ آواز آئی کہ رسول کے چاہنے والوں سے کہہ دو کہ میری طرف آئیں، میں محمد ہوں، میں محمد ہوں۔

4. حسن کا پاکیزہ حسن مجھ میں دیکھو، علی کا رعب و جلال مجھ میں مشاہدہ کرو، میرے رو برو درود پڑھو میں محمد ہوں، میں محمد ہوں۔

5. نصر! جب میں نے اپنی ذات پر نظر ڈالی تو ان کے جمال رخ کا خود میں ظہور پایا، جب میں ان کی سیرت و عادت میں پورے طور پر ڈھل گیا تو میں محمد ہوں، میں محمد ہوں ( ان اشعار میں شاعر گرامی قدر، نے ذاتِ رسالت میں فنائیت کا اظہار کیا ہے۔ یہاں لفظ انا محمد سے ذات رسالت میں حلول نہیں سمجھنا چاہئے۔ یہ مضمون اس حدیث قدسی کے انداز میں ہے جس میں کہا گیا ہے کہ میں بندے کا ہاتھ ،پاؤں، سماعت و بصارت بن جاتا ہوں جب وہ نوافل کے ذریعہ مجھ سے قریب ہوتا ہے۔ مزید یہ کہ ان اشعار میں برزخ نبوی کی ایک تعلیم کی طرف بھی اشارہ ہے، جو سلسلہ قادریہ قمیصیہ وارثیہ کے اشغال میں شامل ہے)۔