دلم در حلقۂ زلفت اسیر است

1. میرا دل تمہارے حلقۂ زلف میں قید ہے، میرا جسم کمزوری کی وجہ سے تمہارے بال کی طرح باریک ہوگیا (حالت عشق کی یہ کیفیت ہے ۔ مخاطب رسول اللہ کی ذات ہے)۔

2. سینۂ ابوبکر میں موج زن جذبۂ صدق کے طفیل، عشق خالص ڈھونڈتا ہوں کیونکہ وہ ہمارے پیران پیر ہیں (پیران پیر سے ایک خاص بات کی طرف اشارہ ہے اور وہ یہ ہے کہ سلسلہ قادریہ قمیصیہ وارثیہ مجیبیہ کے سرخیل حضرت مولانا سید محمد وارث رسول نما بنارسی قدس سرہ کو بارگاہِ نبوی سے یہ ارشاد ہوا تھا شیخک ابوبکر تمہارے شیخ طرفیقت ابوبکر ہیں، اسی بنا پر حضرت نصر نے حضرت صدیق اکبر رضی اللہ عنہ کو پیران پیر کہا ہے)۔

3. حضرت عمر فاروق رضی اللہ عنہ، جب کشور دل کے امیر ہیں تو شیطان رہزن میری گھات میں نہیں رہ سکتا (یعنی مجھے نقصان نہیں پہنچا سکتا)۔

4. حضرت عمر فاروق رضی اللہ عنہ کے صدقے میں ہر گناہ سے اپنی حفاظت چاہتا ہوں، کیونکہ وہ ہمارے پیغمبر کے وزیر ہیں۔

5. حضرت علی مرتضی کرم اللہ وجہہ تو مولائے عالم ہیں، خم غدیر کی حدیث (من کنت مولاہ فعلی مولاہ علی جس کے مولیٰ ہیں میں اس کا مولی ہوں) اس پر گواہ ہے۔

6. عرفان موروثی میں کیوں نہ پاؤں؟ جب مولانائے وارث میرے دستگیر ہیں۔

7. اپنا ہر کام میں نے اے نصر! حق تعالیٰ کے سپرد کر دیا ہے وہی بہترین مالک اور سب سے اچھا مددگار ہے (حضرت نصر کی یہ غزل در حقیقت مدح نبوی کے ساتھ حضرات خلفائے راشدین کی مدح میں بھی ہے اور اہل حق صوفیہ کے عقیدے کی وضاحت کرتی ہے)۔