مکین لامکاں باشد محمد

1. محمد لامکاں کے مکیں ہیں (یعنی جس مقام و مرتبے پر فائز ہیں اس کی حقیقت عقل و خرد سے ماورا ہے) آپ بے نشانوں کے نشان ہیں (یعنی جن لوگوں کو منزل حق کا پتہ نہیں ملتا ان کے لئے آپ کی ذات نشان منزل حق ہے کیونکہ آپ اللہ کے رسول ہیں، آپ منزل بھی ہیں اور نشان منزل بھی)۔

2. جو کچھ تم دیکھتے ہو وہ ان ہی کے نور کا ظہور ہے (یعنی حدیث الخلائق کلھم من نوری، کے مطابق سب کچھ ان کے نور سے پیدا ہوا ہے ارو وہ خود اللہ کے نور سے ہیں) آپ سارا ہی کون ومکاں ہیں (کون ومکاں آپ کے نور سے ہے اور آپ کی وجہ سے ہے اس لئے گویا سب کچھ آپ ہیں)۔

3. آپ صرف اپنے زمانے میں ہی ظاہر نہیں تھے بلکہ آپ ہر زمانے میں موجود تھے (یعنی اس معنیٰ میں کہ آپ کی نبوت کا نور آپ کے آبا واجداد میں ظاہر ہوتا رہا، اور آپ ہر دور میں جزوزماں رہے)۔

4. ایک زمانہ نےآپ کے ذریعہ گمرہی سے چھٹکارا پایا، آپ دونوں جہان کی نجات ہیں۔

5. آپ کی یہ حیثیت ہے کہ ہم سب آنکھ کی طرح ہیں اور آپ ہماری آنکھوں کے لئے روشنی ہیں، ہم سب جسم کی حیثیت رکھتے ہیں اور آپ اس میں روح کے طور پر ہیں۔

6. اپنے گناہوں کا کیا کرتے ہو نصر! حضرت محمد گناہ گاروں کے شفیع ہیں۔