قد بدا مشہد مولائی انیخوا جملی

میرے مولیٰ کا مشہد ظاہر ہوگیا (مشہد علی مرتضیٰ) اے لوگو! میرا اونٹ یہیں بٹھا دو، کہ اس مشہد کے انوار میرے سامنے ظاہر ہورہے ہیں (اب اونٹ پر سوار رہنا خلاف ادب ہے۔ مشہد یعنی جائے شہادت، مراد حضرت علی کرم اللہ وجہہ کا روضۂ شریفہ ہے)۔

ان کا چہرہ (روئے علی) وہ مظہر صافی ہے (مظہر مصفّا) کہ درحقیقت اس سے جمال ازلی (انوارِ الٰہی) آشکارا ہے (یعنی حضرت علی کا روئے مبارک اس صاف شیشے کی طرح ہے جس میں اللہ تعالیٰ کے ازلی جمال کا عکس وپرتو نمایاں ہے)۔

عشق (الٰہی) کے ساتھ جینے والا نہ مرا نہ کبھی مرے گا، یہ دائمی زندگی مٹنے والی نہیں ہے(یعنی جس کا دل عشق الٰہی سے زندہ ہے اس کی زندگی فنا پذیرہوئی نہ ہوگی)۔

جامی! راہ عشق (الٰہی) کے قافلہ سالار کے بارے میں لوگ پوچھیں کہ وہ کون ہے؟ تم کہہ دوکہ وہ علی ہیں علی (کرم اللہ وجہہ ووجوہ ابنائہ الکرام)۔