ساقی بہ نور بادہ بر افروز جام ما

اے ساقی شراب کے نور سے ہمارا جام روشن کر دے، گویئے گا دنیا کا کام ہماری منشاء کے مطابق ہو گیا ہے۔

ہم نے پیالے میں یار کے رخ کا عکس دیکھا ہے، اے بے خبر ہمارے شراب کے پینے کی لذت سے۔

سیدھے قد معشوقوں کا کرشمہ اور ناز اُسی وقت تک ہے، جب تک کہ ہمارا سرو صنوبر کی طرح ٹہلنے والا جلوہ میں آئے۔

جس کا دل عشق کی وجہ سے زندہ ہو گیا وہ کبھی نہیں مرتا، ہماری ہمیشگی دنیا کی تاریخ میں قایم ہو چکی ہے۔

ہمارے دل پسند معشوق کی نظر میں مستی بھلی ہے، اسی وجہ سے ہماری باگ انھوں نے مستی کے ہاتھ میں دیدی ہے۔

مجھے اندیشہ ہے کہ قیامت کے دن غلبہ نہ پا سکے گی، شیخ کی حلال روٹی ہمارے حرام پانی سے۔

اے ہوا اگر تو دوستوں کے چمن سے گذرے، تو ضرور معشوق پر ہمارا پیغام پیش کر دیجو۔

کہہ دینا جان بوجھ کر ہمارا نام کیوں بھلاتا ہے، وہ دن خود آ رہا ہے جب تو ہمارا نام یاد نہ کرے گا۔

سرو کی محبت میں لالہ کی طرح میرا دل گرفتار ہو گیا ہے، اے نصیبہ کے پرند تو ہمارے قبضہ میں کب آئے گا؟

آسمان کا سبز دریا اور چاند کی کشتی، ہمارے حاجی قوام الدین کی نعمتوں میں غرق ہیں۔

حافظ آنکھوں سے آنسوؤں کا دانہ بکھیر، شاید وصال کا پرند ہمارے جال کا قصد کرے۔