در آمد بر سرم نا گہہ شب آں شمع شبستانم

میرے شبستاں کی وہ شمع رات یکا یک میرے سرہانے نمودار ہوئی

اس نے میرے پروانۂ جان کے دل کے پرو بال میں آگ لگا دی

اس کے آتش حسن نے میرے باطن میں ایسی آگ بھڑکائی

کہ سر سے پیر تک اس سے میں شعلے کی طرح جل اٹھا

ایک لمحے اور ایک ساعت بھی میں اپنے آپ کی خبر نہیں رکھتا

جان کو تازگی بخشنے والے محبوب کے خیال اور جلوے میں ایسا گم ہوں

بجلی کی طرح وہ مجھ پر گرا اور میرے سر سے گذر گیا

جسم و جان کو جلا ڈالا اور میرے پاس سے چلا گیا اے وائے میرا محبوب

اے واعظ میں دوزخ کی آگ کی ہولناکی سے نہیں ڈرتا

کیوں کہ اس سے سینکڑوں گنا بڑھ کر میرے ہجر کی تپش ہے

اے نیازؔ ! تیرے شور سے میرا حال دنیا میں افسانہ بن گیا ہے

اے نادان تو نے مخلوق میں میرے پوشیدہ اسرار فاش کردیئے