یار ما را ہر زماں نام‌ و نشانے دیگر است

ہر وقت ہمارے محبوب کا نام و نشان مختلف ہے

سارا دن اس کی صورت کی شکل و شان مختلف ہے

مخلوق کے طلسم میں اس کے رخسار کے خزانے پر اس کے گیسو

ہر طرف سے سیاہ سانپ کی طرح مختلف پاسبان ہیں

اس (کے وصال) کا راستہ حقیر دنیا کا طالب کس طرح طے کر سکتا ہے

عشق کی راہ کا طے کرنادوسرے قافلے (کی ہمت) کا کام ہے

محبوب کے (حسن کے) رو برو تنہا صرف میں نے جان نچھاور نہیں کی ہے

اس کی زلفوں کے ہر تار پر جان قربان کرنے والا دوسرا ہے

میں جنت کی حوروں کی ہوس کا گرفتار نہیں ہوں

میں عشق کا بلبل ہوں میرا مقام دوسرا آشیانہ ہے

میں دین و دنیا کے سود و زیاں سے بے نیاز ہوگیا ہوں

رنج میں مبتلا عاشق کے لئے سود و زیاں مختلف ہے

محبوب کے دیدار پر ہر لمحہ میری آنکھیں مستعد ہیں

میرا سینہ ہمیشہ ایک دوسرے تیر سے مجروح ہے

میں عشق کا غلام ہوں مجھے شہرت و بدنامی کی آرزو نہیں ہے

ایسی آرزو دوسرے لوگوں کا کام ہے

میری روح کا پرندہ کس طرح جنت کے باغ میں اترے گا

میری روح کے طائر کا سبزہ زارتو دوسرا چمن ہے

میں نے دونوں جہانوں سے مختلف ایک دوسری دنیا کا انتخاب کرلیا ہے

دونوں جہانوں سے ماورا میرا ایک دوسرا جہان ہے

اہل کمال کا جسم و روح ناقصوں کے (جسم وروح) جیسے نہیں ہوتے

عاشقوں اور عارفوں کا جسم و روح مختلف ہوتا ہے

میں شیخ عبدالقادر کی بارگاہ کا فیض یافتہ ہوں

اس وجہ سے فقر و درویشی کے راستے میں میری شان مختلف ہے

اے نیازؔ اس کے عشق کا راز کسی کے گفتار و بیان میں نہیں آتا

ایسے اسرار و رموز کے لئے شرح و بیان مختلف ہے