زہے عز و جلال بو ترابی فخر انسانی

واہ رے فخر انسانی حضرت ابو تراب کا عزت و جلال

کہ علی مرتضی، مشکل کشا، شیر یزداں ہیں

مملکت فقر کے امیر ہیں، سلطنت عرفان و سلوک کے بادشاہ ہیں

خدا کے ذاکر ہیں، خدا کے عارف ہیں، خدا بیں ہیں، خدائی شان والے ہیں

محفل انس و محبت کے ا نیس ہیں، مجلس قدس کے جلیس ہیں

مقربین کی روح کا سرور ہیں، پاک نفوس کی جان کی مسرت ہیں

اندھیرا دور کرنے والا چاند ہیں، دنیا کی تاریکی کے لئے مشعل

سر سے پیر تک نور کا جلوہ ہیں، ہمہ تن روشن آفتاب ہیں

حق نمائی کے راستے پر اس کے قافلوں کے لئے

ان کی ہدایت کے سوا کوئی بھی دوسرا حدی خواں نہیں ہوگا

رسول اکرم منبر پر جلوہ گر ہوئے اور انہیں آقا بتایا

تاکہ ان کی ولایت کے لئے مخلوق میں ایک مستحکم دلیل رہے

ان کے چاہنے والوں کے باغ زندگی میں اگر بغیر خزاں کی بہار ہو تو تعجب نہیں کیوں کہ ہر وقت ان پر فیض و احسان کی بارش برستی ہے

اے نیازؔ ! قیامت میں تو بے سرو سامان نہیں ہوگا

کیوں کہ تو محبت و عشق علی کا سامان رکھتا ہے