ابر می بارد و من می شوم از یار جدا

ابر باراں میں ہے اب مجھ سے مرا یار جدا

کیا کروں ایسے میں جب مجھ سے ہو دلدار جدا

چھوڑ کر جاتا ہے بارش میں مجھے یار مرا

میں الگ روتا ہوں، روتا ہے الگ یار جدا

باغ سرسبز ہے، موسم ہے حسیں، سبز جواں

رہتے ہیں ایسے میں اب بلبل وگلزار جدا

تو نے کر رکھا تھا زلفوں میں گرفتار مجھے

کر دیا کیوں مجھے اس بند سے یک بار جدا

چشم پرنم میری خوں بار ہے یہ تیرے لیے

تجھ سے رہ سکتا نہیں دیدۂ خونبار جدا

کیا کرونگا میں یہ اب آنکھ کی نعمت لے کر

مجھ سے ہو جائے گی جب نعمت دیدار جدا

درمیاں آنکھوں کے ہیں سیکڑوں پردے حائل

لوٹ آ جلد تو اور کر دے یہ دیوار جدا

جان دے دونگا اگر چھوڑ کے تو مجھ کو گیا

تجھ میں ہے جان میری مجھ سے نہ ہو یار جدا

حسن باقی نہ رہیگا ترا خسروؔ کے بغیر

گل سے ہرگز نہیں رہ سکتا ہے گلزار جدا