اے جان ما اے جان ما اے کفر و ایمان ما

اے میری جان اے میری جان، اے میرے کفر اور اے میرے ایمان

میں چاہتا ہوں کہ میرے کان کی اس کوڑی کو تو موتی بنا دے

میرے کفر کو میرا ایمان بنا دے اور میرے جسم کو میری جان بنا دے

میرے درد کا تو علاج کر دے، اے میرے درد اور میرے علاج

تو میرا بہت خیال رکھتا ہے، اس خاکی بندے کو نوری بنا دے

ذرا یہ آواز دے دے کہ میں تجھ سے ہوں اور تو مجھ سے ہے

تو میرے تانبے کو سونا بناتا ہے اور میری ویرانی کو آبادی میں بدل دیتا ہے

تو دریا کو موتیوں سے بھر دیتا ہے، اے میرے اتھاہ سمندر

تو دوستوں کے ساتھ دشمنی اور دشمنوں کے ساتھ یاری کرتا ہے

تو ہرشام فریب دیا کرتا ہے، اے ہمارے نگہبان

مجھےنہ تو کسی چیز کا اور نہ ہی ان کے بے شمار نقوش کا علم ہے

اگر تو مجھے زہر بھی دے گا تو یہ میرے لیے شکر جیسا ہی ہوگا

اے ساقی! شراب کا ایک پیالہ عاشقوں کو عطا کر

تا کہ ہماری یہ بھاری بھرکم جان لامکاں کا سفر کر سکے

میں نے اب اپنی زبان بند کر لی ہے میں اب کسی سے نہیں بولوں گا

شمس تبریزی کو ہمارے اس دیوان کا سارا علم ہے