الا یا ایہاالساقی ادر کاساً و ناولہا

آگاہ! اے ساقی پیالے کا دور چلا اور وہ دے

کیوں کہ ابتدا ءعشق آسان نظر آیا لیکن مشکلیں آن پڑیں

اس نافہ کی مہک کی قسم جو آخر صبا اس طرّہ سے کھولے گی

اس کے مشکیں گھنگرالے بالوں کی شکن کی وجہ سے دلوں میں کس قدر خون چڑھ گیا ہے

اگر تجھے پیر مغاں کہے تو مصلیٰ شراب سے رنگ لے

اس لیے کہ سالک منزلوں کی رسم و راہ سے بے خبر نہیں ہوتا ہے

مجھے محبوب کے پڑاؤ میں کیا امن و عیش؟ جب کہ ہر دم

گھنٹہ اعلان کر رہا ہے کہ کجاوے کس لو

اندھیری رات اور موج کا خوف اور ایسا خوفناک بھنور

ساحلوں کے بے فکرے ہمارا حال کب سمجھ سکتے ہیں

خود غرضی کی وجہ سے میرے تمام کام انجام میں بدنامی پر پہنچے

وہ راز کب چھپ سکتا ہے جس سے محفلیں گرم ہوں

اے حافظؔ تو حضوری چاہتا ہے تو اس سے غائب نہ ہو

جب تیری محبوب سے ملاقات ہو تو دنیا کو چھوڑ درس کو ترک کر دے