چوں آمد عشق آں جاناں ز ہوش جان و تن رفتم

جب مجھے اس محبوب سے عشق ہوگیا تو مجھے جان و تن کا ہوش نہ رہا

میں اس محبوب کے جال میں باغ کی بلبل کی طرح گرفتار ہوگیا

جب میں زنبور کی طرح خوشبو کے لیے اس محبوب کے پاس گیا

اس جفا پیشہ کے ظلم سے میں چاک پیراہن گیا

میں اس کے تعاقب میں دوڑا اور اس کے سرائے میں داخل ہوا

میں اس کے چہرے کے راز سے باخبر ہوا اور میرا ہوش جاتا رہا

میں نے اس پری رخ سے کہا کہ میں تمہارے عشق میں دیوانہ ہوگیا ہوں

میں اس کا جواب کیا بتلاؤں، ہر جگہ کیا گفتگو کروں

مجھے اس محبوب سے کوئی محبت نہ ملی اور اس دلبر سے کوئی آرام نہ ملا

میں نے اس صنم سے سودا کیا اور غم و الم مول لیا

میں نے اس کے شوق کی شراب پی اور بے ہوش و بے حرمت ہوگیا

میں نے اس کے سر پر قدم رکھ دیا اور نعرہ مارتے ہوئے گیا

مجھے اس کے شیریں لب کا اندازہ تھا، اس کے فریب کا اندازہ نہیں تھا

کوہکن کی طرح میں صحرا و جنگل میں بھٹکتا رہا

میں اس دلبر پر عاشق ہوگیا اور میرا دل یک دم دیوانہ ہوگیا

گویا کہ آنسو میرے کان میں عدن کے موتی کی طرح داخل ہوگیا

اے لیلیٰ تجھے معلوم نہیں ہے کہ میں تمہارا مجنوں ہوگیا ہوں

کبھی میں کنعاں کے دروازے پر تو کبھی میں یمن جاتا ہوں

اے محبوب ذرا مجھے تجھ سے کیا حاصل ہوا

میں تمہارے غم میں روتا ہوں اور لوگوں کے طعنے سنتا ہوں

اس نے کہا کہ باغ میں گریہ و زاری کرنے والے مسکین بلبل

پھول کے بغیر میری جان تربت میں بےکفن چلی گئی

میں نے محبوب کے چہرے کے چراغ کو دیکھا اور اس کے ہجر میں دل جل گیا

میں اس کے نزدیک پروانہ کی طرح انجمن میں گیا

نہ تو مجھے محبوب کے ہجر سے راحت ہے نہ ہی اس کا وصال حاصل ہے

اس کے دیدار کے شوق میں ہر طرف سیکڑوں رنج و الم کے ساتھ گیا

مجھ سے دانستہ طور پر اس محبوب نے بیگانے کی سی گفتگو کی

اس نے کہا تو کون ہے اور کہاں آیا ہے، میں اس طرح بے وطن ہوگیا ہوں

میں دیوانے کی طرح اسے ہر طرف ڈھونڈتا رہا

وہ محبوب ہر جگہ ہے اور میں بیخود اور از خود رفتہ ہوں

جب دانہ مٹی کے نیچے جاتا ہے اس کا سر خوشہ بن جاتا ہے

میں نے دلبرکے رخ کو اس وقت بوسہ دیا جب میں بوڑھا ہوگیا

اے عارف! مجھے پیرو پیغمبر سے معلوم ہوا کہ

جہاں بھی جاؤ جمالِ حق کھلم کھلا کا مشاہدہ ہوتا ہے