دامہا گسترد ایں زلفِ پریشانِ شما

تمہاری اس زلف پریشاں نے جال بچھا دیئے

میری جان! میرے دل کا پرندہ تمہارا شکار ہوگیا۔

خدا کی قسم عرفان ذات تمہارا عرفان ہے

خدا کی قسم میری یہ جان تمہاری جان ہوگئی۔

میرا یہ دل میرے ہاتھ سے چلا گیا اب تمہارا کیا حکم ہے؟

تمہاری زلف پریشاں مجھے اپنی طرف کھینچ رہی ہے۔

میں اس غم میں اس طرح جلا کہ دھواں بھی نہیں اٹھا

میرے دل میں تمہارا درد اور تمہاری آگ پنہاں ہے۔

ہمارے صبر و شکیبائی کے خرمن کو پوری طرح جلا ڈالا

تمہارے چمکتے چہرہ نے میرے دل میں ایک آگ روشن کر دی۔

عمر خضر سے زیادہ میری جدائی کی رات لمبی ہے

تمہاری زلف پریشاں نے اس پر سایہ ڈال رکھا ہے۔

میرے کندھے سے سرکے بوجھ کو تمہاری تلوار نے نیچے گرا دیا

تمہارے احسان و کرم سے میں نے اس کو دوبارہ اٹھا لیا۔

چمن کی رنگا رنگی تمہاری آستین کی رنگا رنگی کی مرہون منت ہے

تمہارے دامن کے رنگ سے غنچوں نے رنگ پکڑا ہے۔

منبر پر بیٹھنے والا واعظ تمہارے رندوں سے بیعت کرتا ہے

تمہارے مستوں کے سامنے زہد و طاعت سجدہ کیا کرتا ہے۔

نافے نے تمہاری خوشبودار زلف سے خوشبو پائی

تمہارے احسان کے پانی نے باغ کو سیراب کیا۔

میری شریانوں میں میرا خون ساتھ ساتھ دوڑ رہا ہے

میری جان تمہاری تیغ عریاں میری روح کے لئے جوہر ہے۔

اے اکبرؔ آخر وہ پیرہن گل کون ہے جس نے تمہارا سرمایہ حیات

منتشر کردیا؟ خدا خیرکرے، اب تمہارے جیب و گریباں کا کیا حال ہے۔