دمے با غم بہ سر بردن جہاں یکسر نمی ارزد

تھوڑی دیر بھی غم میں بسر کرنا، تمام دنیا کے بدلے مناسب نہیں

ہماری گدڑی شراب کے عوض بیچ دو اس سے بہتر قیمت کے لائق نہیں ہے

مے فروشوں کے کوچہ میں، اس کو ایک جام میں بھی نہیں لیتے ہیں

سبحان اللہ، تقویٰ کا کیا مصلیٰ ہے کہ ایک ساغر کے بھی لائق نہیں

رقیب نے مجھے جھڑک دیا کہ اس در سے سر ہٹا لے

اس ہمارے سر کو کیا ہوا، کہ دروازہ کی خاک کے لائق نہیں

تیرے لیے مناسب ہے کہ عاشقوں سے اپنا چہرہ چھپا لے

بادشاہت کا سودا لشکر کے غم کے لائق نہیں

وطن اور معشوق انسانوں کو پابند کرتے ہیں ورنہ

فارس تو کیا یہ مصیبت پوری دنیا کے عوض کے لائق نہیں

اس دل تنگی کے نقش کو دھو ڈال، اس لیے کہ یک رنگی کے بازار میں

گوناگوں نعمتیں سرخ شراب کے بدلے کے لایق نہیں

شاہی تاج کا دبدبہ جس میں جان کا خوف بھی ہے

دلکش ٹوپی ہے، لیکن درد سر کے لائق نہیں

فائدے کی بو کی وجہ سے ابتدا دریا کا غم بہت آسان معلوم ہوتا ہے

میں نے غلط کیا اس کی کوئی موج ہی گوہر کے لایق نہیں

جا صبر کا خزانہ تلاش کر، عافیت کے گوشہ میں بیٹھ

اس لیے کہ تھوڑی دیر کے لیے تنگ دل ہونا، سمندر اور خشکی کے عوض کے لایق نہیں

حافظؔ کی طرح قناعت میں کوشش کر، اور کمینی دنیا سے گزر جا

اس لیے کہ کمینوں کا ایک جو احسان سو من سونے کے لایق نہیں