غلام نرگس مست تو تاجدارانند

تیری مست نرگس کے غلام، تاجدار ہیں

تیرے لعل کی شراب کے مست ہوشیار ہیں

تیری حیا اور میرا ،آنکھ کا پانی چغل خور بنا

ورنہ عاشق اور معشوق رازدار ہیں

جب تو گزرتا ہے تو دیکھ کہ دہری زلف کے نیچے

تیرے دائیں بائیں کس قدر بے قرار ہیں

بنفشہ کے کھیت میں صبا کی طرح گذر اور دیکھ

کہ تیری زلف کی دست درازی سے کتنے غمگین ہیں

اے رقیب آگے بڑھ، اور اس سے زیادہ تکبر نہ کر

اس لیے کہ دوست کے دروازے کے مقیم، خاکسار ہوتے ہیں

اے خدا شناس!چلا جا، بہشت ہمارا حصہ ہے

اس لیے کہ بخشش کے مستحق گنہگار ہیں

اس رخسار کے پھول پر صرف میں ہی غزل سرا نہیں ہوں

ہر طرف تیری ہزاروں بلبلیں ہیں

اے مبارک قدم خضر! تو دستگیربن اس لیے کہ میں

پیدل جا رہا ہوں، اور ساتھی سوار ہیں

شراب خانہ میں آ،اور چہرہ لال کر لے

عبادت خانہ میں نہ جا اس لیے کہ وہاں سیاہ کار ہیں

اس پر پیچ زلف سے خدا کرے حافظؔ کا چھٹکارا نہ ہو

اس لیے کہ تیری کمند کے گرفتار، آزاد ہیں