ایں خرقہ کہ من دارم در رہن شراب اولیٰ

یہ گدڑی جو میں پہنے ہوئے ہوں اس کا شراب میں رہن ہونا بہتر ہے

اور اس بے معنی دفتر کا خالص شراب میں ڈوبنا بہتر ہے

چوں کہ میں نے عمر تباہ کر دی ہے، جس قدر بھی میں نے غور کیا

کسی شراب خانہ کے گوشے میں مست پڑا رہنا بہتر ہے

میں دیوانے دل کا حال لوگوں سے نہ کہوں گااس لیے کہ اگر میں یہ قصہ بیان کروں تو چنگ و رباب کے ساتھ بیان کرنا بہتر ہے

جب تک آسمان کے حالات اسی طرح بے سر و پا رہیں گے

تو سر میں ساقی کا عشق اور ہاتھ میں شراب رہنا بہتر ہے

تجھ جیسے معشوق سے میں دل نہ ہٹاؤں گا، ہاں

اگر اب میں اس پرشکن زلف سے رنج اٹھاؤں تو بہتر ہے

چوں کہ درویشی سے مصلحت اندیشی بعید ہے

سینہ کا آگ سے بھرا ہونا بہتر ہے آنکھوں کا پرنم رہنا بہتر ہے

اے حافظؔ!جب تو بوڑھا ہو گیا ہے، شراب خانہ سے باہر چلا جا

رندی اور عشق بازی جوانی میں بہتر ہے