مزرع سبز فلک دیدم و داس مہ نو

میں نے آسمان کا سبز کھیت اور چاند کی درانتی دیکھی

مجھے اپنی کھیتی اور کھیتی کاٹنے کا وقت یاد آ گیا

میں نے کہا اے نصیبے!تو سو گیا اورسورج نکل آیا

اس نے کہا کہ با ایں ہمہ تقدیر سے ناامید نہ ہو

ڈاکو ستارے پر بھروسہ نہ کر اس لیے کہ اس چالاک نے

کاؤس کا تاج اور کیخسرو کی پیٹی چھین لی ہے

اگر پاک اور مجرد ہو کر مسیحا کی طرح تو آسمان پر جائے گا

تیرے نور سے سورج تک سو جلوے پہنچیں گے

آسمان سے کہہ دو اپنی عظمت کی اتنی ڈینگیں نہ مارے اس لیے کہ عشق میں

چاندوں کا انبار ایک جو کی اور ثریا کا خوشہ دو جو کی قیمت رکھتا ہے

جمشید کا جام مجھے دے اس لیے کہ میرے نزدیک قیمت نہیں رکھتا ہے

قارون کا خزانہ ایک جو کی اور سلیمان کا ملک دو جو کی

موتی اور لعل کے گوشوارے اگر چہ کان کو بھاری معلوم ہوتے ہیں

نصیحت سن لے حسن کا زمانہ گزر جانے والا ہے

تیرے تل سے چشم بد دور کہ حسن کی بساط پر

اس نے ایسا پیادہ چلا جو چاند اور سورج سے بازی لے گیا

جس نے دل کے کھیت میں وفا کا بیچ سر سبز نہ کیا

کاٹنے کے وقت اپنی پیداوار سے شرمندہ ہوگا

دف کی طرح حلقہ بہ گوش بن کر اس دائرہ میں رہ

ور نہ طمانچہ کھائے گا اپنے دائرے سے نہ نکل

فریب اور ریا کی آگ دین کا کھلیان جلا دے گا

اے حافظؔ اس ادنیٰ گدڑی کو پھینک اور چل دے