دلا نزد کسے بنشیں کہ او از دل خبر دارد

اے دل ایسے آدمی کے پاس بیٹھو جو دل کی بات سمجھتا ہو

اس درخت کے سائے میں بیٹھو جس میں تازے پھول ہوں

وہ مکاری سے تجھے اپنے دروازے پر بٹھا گیا کہ میں آتا ہوں

تم انتظار میں بیٹھے مت رہو کیونکہ اس گھر میں دو دروازے ہیں

ہر جوش مارنے والی ہانڈی کے پاس پیالہ لے کر مت جاؤ

کیوں کہ جوش مارنے والی ہانڈی میں دوسری چیزیں بھی ہوتی ہیں

ہر شخص کے پاس بینائی نہیں ہوتی، ہر پتہ میں پھل نہیں ہوتا

ہر دریا پرخطر نہیں ہوتا، ہر بادشاہ کے پاس موتی نہیں ہوتا

ہر آہ میں اثر نہیں ہوتا، ہر راستے سے گزرا نہیں جاتا

ہر مرد کے پاس جگر نہیں ہوتا، ہر بادل سے بارش نہیں ہوتی

اے مست بلبل نغمہ گاؤ کیونکہ مستوں کا نغمہ

پتھر اور چٹان پر بھی اپنا اثر چھوڑ دیتا ہے

شمس الدین تبریزی کی طرح، اگر تمہیں دل کا حال معلوم ہو جائے

تو تیرا دل یقیناً حیرت کی وادی میں سفر کر نے لگے گا