بہ روز مرگ چو تابوت من رواں باشد

موت کے دن جب میرا تابوت لے جایا جائے گا

ایسا مت سمجھو کہ مجھے اس دنیا کا غم ہوگا

جب میرے جنازے کو دیکھنا تو الوداع مت کہنا

کیوں کہ مجھے اس وقت ہی وصال کی دولت نصیب ہوگی

مجھے قبر کے حوالے کرنا تو الوداع مت کہنا

کیوں کہ قبر اہل جنت کا پردہ ہوتی ہے

ایسا کون سا دانہ ہے جو زمیں کے اندر گیا اور اگا نہیں

انسان کے دانے سے متعلق بھلا بدگمانی کیوں رکھی جائے

تجھے یہ غروب معلوم ہوتا ہے لیکن درحقیقت یہ طلوع ہے

قبر قید خانہ معلوم ہوتی ہے لیکن دراصل یہ جان کی خلاصی ہے

تمہیں ایسا لگ رہا ہے کہ میں مٹی ہوگیا

میرے قدم کے نیچے آسمان پڑے ہوئے ہیں

شمس تبریزی کے شہرہ آفاق جمال سے

عقل و نظر کا نور پورے جوش میں ہے