بہ گرداں ساقیا آں جام دیگر

اے ساقی دوسرے جام کو گردش میں لا

مجھے آرام بخشنے والا ایک اور جام عطا کر

تیری جان کی قسم تو مجھے آج شراب دے دے

کہ کل تک برداشت کرنے کی مجھ میں طاقت نہیں ہے

مجھے نجات دے مجھے نجات دے مجھے نجات دے

میں ایک مشکل جال میں گرفتار ہوچکا ہوں

اگر تو آج مجھ پر دروازہ بند کردے گا

تو میں ایک دوسرے بام سے چھلانگ لگا دوں گا

تو نے مجھ پر بے انتہا کرم کیا

پھر بھی میں ایک اور انعام کا منتظر ہوں

میں نے خاموشی اختیار کر لی ہے اور خاموش

لوگوں کی طرح مجھے دوسرے انعام کا انتظار ہے

میرا نام شمس تبریز کا غلام رکھ دے

اے خدا مجھے اس کے علاوہ کوئی دوسرا نام پسند نہیں