ازاں روزے کہ یار من خیالش کرده مہمانم

جس دن سے میں نے اپنے دوست کے خیال کو مہمان بنایا ہے

میرے دل کو خوشی اور آرام کا احساس ہو رہا ہے

اچانک میں نے اس کے شیریں اور میٹھے لب کو کاٹ لیا تھا

قیامت تک اس کی حلاوت میرے دانت سے نہیں جائے گی

کبھی میں مٹی، کبھی ہوا، کبھی پانی اور کبھی آگ ہوں

کبھی میں سردار ہوں، کبھی بادشاہ اور کبھی دربان ہوں

کبھی روتا ہوں، کبھی پھول کے درمیاں بلبل کی طرح نوحہ کرتا ہوں

کبھی میں پھول کی طرح ہریالی دیکھ کر صبح کو ہنستا ہوں

جب میں نے عشق کے مکتب میں پوشیدہ باتیں پڑھیں

تو میری تمام پستی بلندی اور میرا تمام کفر ایمان میں بدل گیا

عود کی لکڑی کی طرح میرا دھنواں ہر طرف جارہا ہے

اگرچہ میں قطرہ تھا لیکن اب میں عمان دریا بن گیا ہوں

جب شمس تبریزی لعل و گوہر نثار کرتے ہیں

تو میں کیوں نہ اس لعل و گوہر سے اپنا دامن بھر لوں