شاہ شمشاد قداں خسرو شیریں دہناں

شمشاد جیسے قد والوں کا بادشاہ شیریں دہن والوں کا شاہ

جو پلکوں سے تمام صف شکنوں کا دل توڑ دے

مست ہو کر گذرا اور مجھ فقیر پر نظر ڈالی

بولا اے تمام شیریں کلام والوں کے چشم و چراغ

کب تک چاندی اور سونے سے تیری تھیلی خالی رہے گی

ہماری نصیحت سن لے اور تمام چاندی جیسے جسم والوں سے نفع اٹھا

تو ذرہ سے تو کمتر نہیں ہے پست نہ بن محبت اختیار کر

تا کہ آفتاب کی خلوت گاہ میں چکر لگاتا ہوا پہنچ جائے

ہمارے پیمانہ کش پیر نے خدا کرے اس کی روح خوش رہے

کہا، وعدہ شکنوں کی صحبت سے بچ

دوست کا دامن تھام لے اور دشمن سے قطع تعلق کر لے

مرد خدا بن اور شیطانوں سے بچ نکل

دنیا پر بھروسہ نہ کر اور اگر تیرے پاس کوئی شراب کا پیالہ ہے

تو زہرہ جبیں اور نازک بدن معشوقوں کی خوشی میں پی

لالہ کے چمن میں صبح ہیں صبا سے میں پوچھتا تھا

کہ یہ خونی کفن والے کس کے شہید ہیں

اس نے کہا اے حافظؔ میں اور تو اس راز کے محرم نہیں ہیں

سرخ شراب اور چاندی جیسی ٹھوڑی والوں کی بات کر