ALL of Rasnidhi | Sufinama

अद्भुत गति यह प्रेम की, बैनन कही न जाइ।

दरस भूख लागे दृगन, भूखहि देह भगाइ।।

अद्भुत गति यह प्रेम की, लखौ सनेही आइ।

जुरै कहू टूटै कहूं, कहूं गाठि पर जाइ।।

कहनावत मै यह सुनी, पोषत तनु को नेह।

नेह लगाये अब लगी, सूखन सिगरी देह।।

बोलन चितवन चलन में, सहज जनाई देत।

छिपत चतुरई कर कहूं, अरे हिये को हेत।।

सुन्दर जोबन रूप जो, बसुधा मे न समाइ।

दृग तारन तिल बिच तिन्हें, नेही धरत लुकाइ।।

Rasnidhi