लोगों की जफ़ा-ओ-क़फ़ा बर्दाश्त करें और लब न हिलाएँ। हमारा काम दिलों को एक जगह करना है, इस में जितनी भी मुश्किल पेश आएँ उन को बर्दाश्त करना चाहिए।

روزہ تمام عبادتوں سے افضل اور اشرف عبادت ہے بلحاظ اخفا و کتمان۔

وہ لوگ جنہوں نے شریعت کو ہاتھ سے چھوڑ دیا ہے اور ملحدانہ باتیں لقمۂ چرب حاصل کرنے کے لیے بکتے ہیں اور متشرع لوگوں کو بے حقیقی کا طعنہ دیتے ہیں ان پر افسوس ہے، ان کی توحید سب بے معنی ہے، وہ حال سے خالی ہیں، ایسے احمقوں کی صحبت میں نہیں بیٹھنا چاہیے۔

کوئی شخص ہمیں برائی سے یاد کرتا ہے تو ہمیں اس سے کوئی شکایت نہیں اس لیے کہ ہم اس سے زیادہ برائی کے مستحق ہیں، اس نے لطف کیا اور ہمیں کم گالیاں دیں، ہم نے اسے معاف کر دیا تم بھی اسے معاف کر دو۔

’’ہمارا اور تمہارا کام’’ سکہ و نقد جنس جمع کرنا نہیں ہے بلکہ دلوں کا اکٹھا کرنا مقصود ہے۔

سب داخلانِ طریقت کو تاکید کرنی چاہیے کہ ظاہر کو شریعت سے آراستہ رہیں اور اپنا باطن عشق مولیٰ سے پیراستہ۔

محبت ہی ایک ایسی چیز ہے جس پر دنیا میں ایمان و عمل کی صحت و سقم کا دارومدار اور آخرت میں مجازات کا حصہ ہے۔

اپنے تمام امور کو نسیان کے ہاتھ میں سونپ دینا توکل ہے۔