مصطفیٰ مصطفیٰ مجتبیٰ یا نبی تم پہ پیہم درود تم پہ پیہم سلام

حبیب اللہ ساغر وارثی

سب رسولوں میں ہے آپ کو برتری تم پہ پیہم درود تم پہ پیہم سلام

سب سے اعلیٰ و اولیٰ تمہارا مقام نعمتیں حق تعالیٰ کی تم پر مدام

مرحبا مرحبا آپ کی برتری تم پہ پیہم درود تم پہ پیہم سلام

قاب قوسین تک بھی گئے ہو نعیم رب نے تم کو پکارا رؤف الرحیم

تم نے پالی ہے معراج کی برتری تم پہ پیہم درود تم پہ پیہم سلام

غیب کا علم تم پر عیاں ہے حضور جگ میں ثانی تمہارا نہیں ہے حضور

تم ہو جس کی طرف اس کی بگڑی بنی تم پہ پیہم درود تم پہ پیہم سلام

اپنی بگڑی بنے ہادیٔ دو جہاں سن لو فریاد یہ دستگیر زماں

یوں ہی قائم رہے تم سے وابستگی تم پہ پیہم درود تم پہ پیہم سلام

آزمائش کی ساغرؔ پہ ہے یہ گھڑی اس کی امداد کو آئیے یا نبی

تم ہو راضی تو راضی ہے اللہ بھی تم پہ پیہم درود تم پہ پیہم سلام

مأخذ :

Click on the INTERESTING button to view additional information associated with this sher.

Don’t remind me again

OKAY

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

This ghazal contains ashaar not published in the public domain. These are marked by a red line on the left.

Don’t remind me again

OKAY