meraa salaam le jaa

qismat ke aasmaa.n par

siimaa-e-kahkashaa.n par

chamkaa tiraa sitaara

us dar pe haazirii kaa

tujh ko hu.aa ishaara

ai bakHtiyaar bande

ai kaamgaar bande

terii muraad-mandii

taqdiir kii bulandii

tujh ko pukaartii hai

aa baaryaab ho jaa

ai zarra-e-mohabbat

jaa aaftaab ho jaa

darbaar me.n chalaa hai

sarkaar me.n chalaa hai

raKHt-e-safar uThaa le

allaah ke havaale

yasrib ke jaane vaale

bas ik payaam le jaa

meraa salaam le jaa

merii ye sard aahe.n

ye muntazir nigaahe.n

un kaa KHayaal karnaa

lekin nahii.n munaasib

kuchh ’arz-e-haal karnaa

vo jaante hai.n sab kuchh

pahchaante hai.n sab kuchh

naashaad aarzuu.e.n

barbaad aarzuu.e.n

be-taab ho rahii hii.n

taa-ham KHamosh rahnaa

aa.nkho.n se dekhtaa jaa

mu.nh se magar na kahnaa

ye sub.h-o-shaam mere

sab saamne hai.n tere

un se ko.ii bhalaa.ii

detii nahii.n dikhaa.ii

le jaa sake to bhaa.ii

ye sub.h-o-shaam le jaa

meraa salaam le jaa

har chiiz kho chukaa huu.n

barbaad ho chukaa huu.n

ye zindagii hai merii

is vaqt paas mere

sharmindagii hai merii

kuchh armuGaa.n nahii.n hai

juz iin-o-aa.n nahii.n hai

muflis huu.n be-navaa huu.n

kuchh bhii nahii.n kyaa huu.n

tohfe na maa.ng mujh se

naadim na kar KHudaa-raa

dil terii paas ho to

de de mujhe udhaaraa

meraa kalaam kyaa hai

ye armuGaa.n KHushii se

chaahe to haa.n KHushii se

ai mehrbaa.n KHushii se

ye jins-e-KHaam le jaa

meraa salaam le jaa

fariyaad-o-haa-o-huu me.n

sahbaa-e-aarzuu me.n

vo josh hii nahii.n hai

TuuTaa hu.aa bhii hai dil

KHaamosh hii nahii.n hai

sarshaar karne vaalii

shai ho chukii hai KHaalii

mai-kHaana-e-yaqii se

us kaif-e-behtarii.n se

iimaan-e-aatishii.n se

phir us ko bhar ke laanaa

meraa salaam le jaa

ye ashk-rez aa.nkhe.n

tuufaan-kHez aa.nkhe.n

ab KHushk ho chukii hai.n

dariyaa kahaa.n se laa.e.n

qatre ko ro chukii hai.n

varna ye aarzuu thii

muddat se justujuu thii

kashtii banaa ke dil ko

aur phir sajaa ke dil ko

yasrib ke jaane vaale

us me.n tujhe biThaa.uu.n

duniyaa-e-sarmadii ke

saahil pe le ke jaa.uu.n

KHair ai diler qaa.id

hotii hai der shaayad

jaa har tarah salaamat

le jaa merii mohabbat

le jaa merii 'aqiidat

meraa salaam le jaa

qismat ke aasmaa.n par

siimaa-e-kahkashaa.n par

chamkaa tiraa sitaara

us dar pe haazirii kaa

tujh ko hu.aa ishaara

ai bakHtiyaar bande

ai kaamgaar bande

terii muraad-mandii

taqdiir kii bulandii

tujh ko pukaartii hai

aa baaryaab ho jaa

ai zarra-e-mohabbat

jaa aaftaab ho jaa

darbaar me.n chalaa hai

sarkaar me.n chalaa hai

raKHt-e-safar uThaa le

allaah ke havaale

yasrib ke jaane vaale

bas ik payaam le jaa

meraa salaam le jaa

merii ye sard aahe.n

ye muntazir nigaahe.n

un kaa KHayaal karnaa

lekin nahii.n munaasib

kuchh ’arz-e-haal karnaa

vo jaante hai.n sab kuchh

pahchaante hai.n sab kuchh

naashaad aarzuu.e.n

barbaad aarzuu.e.n

be-taab ho rahii hii.n

taa-ham KHamosh rahnaa

aa.nkho.n se dekhtaa jaa

mu.nh se magar na kahnaa

ye sub.h-o-shaam mere

sab saamne hai.n tere

un se ko.ii bhalaa.ii

detii nahii.n dikhaa.ii

le jaa sake to bhaa.ii

ye sub.h-o-shaam le jaa

meraa salaam le jaa

har chiiz kho chukaa huu.n

barbaad ho chukaa huu.n

ye zindagii hai merii

is vaqt paas mere

sharmindagii hai merii

kuchh armuGaa.n nahii.n hai

juz iin-o-aa.n nahii.n hai

muflis huu.n be-navaa huu.n

kuchh bhii nahii.n kyaa huu.n

tohfe na maa.ng mujh se

naadim na kar KHudaa-raa

dil terii paas ho to

de de mujhe udhaaraa

meraa kalaam kyaa hai

ye armuGaa.n KHushii se

chaahe to haa.n KHushii se

ai mehrbaa.n KHushii se

ye jins-e-KHaam le jaa

meraa salaam le jaa

fariyaad-o-haa-o-huu me.n

sahbaa-e-aarzuu me.n

vo josh hii nahii.n hai

TuuTaa hu.aa bhii hai dil

KHaamosh hii nahii.n hai

sarshaar karne vaalii

shai ho chukii hai KHaalii

mai-kHaana-e-yaqii se

us kaif-e-behtarii.n se

iimaan-e-aatishii.n se

phir us ko bhar ke laanaa

meraa salaam le jaa

ye ashk-rez aa.nkhe.n

tuufaan-kHez aa.nkhe.n

ab KHushk ho chukii hai.n

dariyaa kahaa.n se laa.e.n

qatre ko ro chukii hai.n

varna ye aarzuu thii

muddat se justujuu thii

kashtii banaa ke dil ko

aur phir sajaa ke dil ko

yasrib ke jaane vaale

us me.n tujhe biThaa.uu.n

duniyaa-e-sarmadii ke

saahil pe le ke jaa.uu.n

KHair ai diler qaa.id

hotii hai der shaayad

jaa har tarah salaamat

le jaa merii mohabbat

le jaa merii 'aqiidat

meraa salaam le jaa