محبوب_کبریا سے میرا سلام کہنا
محبوب کبریا سے میرا سلام کہنا
تجھ پر خدا کی رحمت اے عازم مدینہ
نور محمدی سے روشن ہو تیرا سینہ
جب ساحل عرب پر پہنچے تیرا سفینہ
اس وقت سر جھکا کر لللہ با قرینہ
سلطان انبیا سے میرا سلام کہنا
ساحل پہ آتے آتے موجوں کو چوم لینا
موجوں کے بعد دلکش ذروں کو چوم لینا
اس پاک سرزمیں کی راہوں کو چوم لینا
پھولوں کو چوم لینا کانٹوں کو چوم لینا
پھر نور والضحیٰ سے میرا سلام کہنا
ہو جانب مدینہ جب کارواں روانہ
صل علیٰ محمدؐ کا لب پہ ہو ترانہ
ورد زباں ہوں جس دم اشعار عاشقانہ
جب رحمت خدا کا بٹنے لگے خزانہ
سرچشمۂ عطا سے میرا سلام کہنا
دربار مصطفیٰ کی حاصل ہو جب حضوری
پیش نظر ہو جس دم وہ بارگاہ نوری
ہو دور رنج و کلفت مٹ جائے فکر دوری
دیدار مصطفیٰ کی جب آرزو ہو پوری
والشمس کی ضیا سے میرا سلام کہنا
- کتاب : رضائے مصطفیٰ (Pg. 1)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
