السلام اے سید_کل فخر_آدم السلام

السلام اے سید کل فخر آدم السلام

آستان پاک پر حاضر ہے عالم السلام

بادشاہ حسن ہو نور مجسم السلام

آپ ہیں میرے شفیع اے رافع غم السلام

جب کوئی اسم گرامی لے لیا آداب سے

مغفرت کیا دوڑتی پھرتی ہے پیہم السلام

اس فقیر ہند کی تقدیر ہے شاہ عرب

آستاں بوسی شہنشاہی سے کیا کم السلام

المدد اے کشتیٔ امت کے پشت باں ہو تم

زلف عالم ہو گئی کیوں آج برہم السلام

ایک محبوب خدا مطلوب رب العالمیں

بر من عاصی بگاہی زیر خاکم السلام

یک فقیر سالکؔ بے خانماں صد خانماں

میرے حصے میں ہے قرآن معظم السلام