اب رکنے سے کب رکتا ہے دیوانہ کسی کا

اب رکنے سے کب رکتا ہے دیوانہ کسی کا

صندل چڑھانے جاتا ہے مستانہ کسی کا

یہ پھول کی چادر کس تربت پہ چڑھے گی

دیوانہ لئے جاتا ہے نذرانہ کسی کا

میں حضرت مخدوم پہ سو جاں سے فدا ہوں

ہونے دو زمانہ ہے جو دیوانہ کسی کا

دیدار کا ارمان ہو پورا کہ یہ ڈر ہے

ہو جائے نہ دل ہجر میں ویرانہ کسی کا

جو کوئی یہاں آتا ہے ہو جاتا ہے سر مست

درگاہ کسی کی ہے کہ مے خانہ کسی کا

یا حضرت مخدوم خبر لیجے کسی کی

بے تاب ہے بے حد دل دیوانہ کسی کا

مے خوار نرالے ہیں زمانے سے نرالے

دنیا سے جداگانہ ہے مے خانہ کسی کا