یہ پھولوں کی جھرمٹ میں دولہا کا مکھڑا بہاروں میں جیسے کلی ہنس رہی ہے

یہ پھولوں کی جھرمٹ میں دولہا کا مکھڑا بہاروں میں جیسے کلی ہنس رہی ہے

تمام انجمن رنگ پر آگئی ہے، الم رو رہا ہے خوشی ہنس رہی ہے

یہ الفت تو دیکھو محبت تو دیکھو، یہ شوخی تو دیکھو شرارت تو دیکھو

کچھ ایسی نزاکت سے باندھا ہے سہرا کہ سہرے کی ہر ایک کلی ہنس رہی ہے

مبارک ہو اے زندگی کی سہاگن یہی وقت ہے پیارے سے گود بھر لے

تمناؤں کے پھول مسکا رہے ہیں، بہار آئی ہے زندگی ہنس رہی ہے

نظر آ رہا ہے ستاروں کا سہرا کہ ہر اک لڑی کہکشاں بن گئی ہے

یہ محفل ہے یا چاند تاروں کی دنیا، یہاں چاند پر چاندنی ہنس رہی ہے

مبارک ہو ماں باپ بھائی بہن کو، عزیزوں کو احباب کو دوستوں کو

فضاؤں میں بکھرے ہوئے شادی کے نغمے، خوشی کیا ہے، انورؔ غمی ہنس رہی ہے