جوۓ شیر

فرہاد نے کوہ بیستون سے محل تک پہاڑ کو کھود کر دودھ کی نہر بہائی تھی۔ فرہاد ایران کے بادشاہ خسرو پرویز کی ملکہ شیرین کا سچاعاشق تھا۔ اس سے پیچھا چھڑانے کے لئے بادشاہ نے فرہاد سے کہا کہ کوہ بیستون سے شیریں کے محل تک اگر تم دودھ کی نہر بہا دو تو تمہیں شیریں مل جائے گی۔ فرہاد نے شرط مان لی اور پہاڑ کاٹنے میں جٹ گیا۔ پتھر کاٹنے کے دوران وہ ہر جگہ شیریں کی تصویر بھی بناتا تھا- آخرکار اس نے یہ ناممکن کام کر دکھایا۔ جب بادشاہ کو پتہ چلا تو اس نے شیریں کے مرنے کی جھوٹی خبر اڑا دی۔ یہ سنتے ہی فرہاد نے وہی تیشہ (پتھر کاٹنے/تراشنےکا اوزار)،جس سے وہ پہاڑ کاٹا کرتا تھا ، اپنے سر پر مار لیا اور وہیں جاں بحق ہو گیا۔ شیریں کو جب یہ پوری بات معلوم ہوئی تو اس نے بھی خودکشی کر لی۔