عرفاں کی بزم میں ہے جلوہ_طراز چادر

عرفاں کی بزم میں ہے جلوہ طراز چادر

آئینے میں ہے عکس آئینہ ساز چادر

الجھی ہوئی ہیں نظریں ہر تار ما سوا سے

سکھلا دے پاک بازی اے دل نواز چادر

جلوے ہیں تیرے روشن کون و مکاں میں ہر سو

رکھتی ہے نور تیرا اے کارساز چادر

آتا مزار تک ہوں ہر سال سر پہ لے کر

کرتی ہے مجھ کو حدت کی سرفراز چادر

آنکھوں میں ہو رہا ہے وہ برزخ منصور

ہے اہل دل کے دل میں جلوہ طراز چادر

اپنی خودی سے پردہ دراصل بندگی ہے

پڑھتے ہیں سر پہ رکھ کر ہم تو نماز چادر

آفاق جلوہ گر ہے انفاس ہیں منصور

ہے دل نواز چادر ہے جاں نواز چادر

بگڑے ہوئے سنور کر بنتے ہیں مرد کامل

ہے آفتاب تیری ذرہ نواز چادر

ہاں آؤ سر پہ رکھو اپنا ہی فائدہ ہے

میری عقیدتوں سے ہے بے نیاز چادر

صد ناز و طمانیت سے مخمور ناز ہو کر

چلتے ہیں سر پر رکھ کر مست نماز چادر