بت کا پجاری بن جا پگلے میٹھا پھل تو پائے گا

بت کا پجاری بن جا پگلے میٹھا پھل تو پائے گا

دنیا کے سب چھوڑ بکھیرے پیچھے تو پچھتائے گا

من مندر کے کھول کے پٹ تو تیکھی نجر سے دیکھ ذرا

کنڑ کنڑ میں بھگوان براجے تجھ کو نجر پھر آئے گا

کرم دھرم کی راہ کٹھن ہے اس پہ چلنا ہے دشوار

پریم ڈگر میں آ جا پگلے دکھ سے مکتی پائے گا

گرو کے پاون چرنوں میں تو شیش جھکا دے اے پگلے

مایا جال سے نکلے گا تو موکش اسی سے پائے گا

من سے اپنے پوچھ اے کاوشؔ سچا متر یہی تو ہے

ملا پنڈت راکشسوں سے دھوکے کب تک کھائے گا