ترے غم سے مل رہا ہے مجھے ہر طرح سہارا

ترے غم سے مل رہا ہے مجھے ہر طرح سہارا

یہی درد زندگی ہے یہی موج ہے کنارا

تجھے کس طرح سے پاؤں بڑی دور ہے کنارا

مری زندگی اک آنسو تری زندگی ستارا

مرے عشق کا سفینہ ہے عجیب کشمکش میں

کبھی چھٹ گیا کنارا کبھی مل گیا کنارا

مجھے وہ جگہ بتا دو جہاں سر جھکا سکوں میں

مجھے وہ نظر بتا دو جو سمجھ سکے اشارا

تری آرزو نے کھویا مجھے کر کے تیرا جویا

تری یاد نے ڈبویا ترے غم نے پار اتارا

ابھی تک وہی تپش ہے ابھی تک وہی خلش ہے

ابھی تک سلگ رہا ہے وہی عشق کا شرارہ

ترا ذکر میرا ایماں تری فکر دین میرا

تری یاد میرا عالم ترا غم مرا سہارا