گر راہ طلب میں صادق ہے شکوہ بھی دل ناشاد نہ کر

گر راہ طلب میں صادق ہے شکوہ بھی دل ناشاد نہ کر

ہاں ضبط سے لے تو کام ذرا بے چین نہ ہو فریاد نہ کر

کوشش تو بہت کی میں نے مگر قسمت کی نہ تھی کچھ اپنی خبر

لے صبر سے کام دل مضطر جب داد نہیں فریاد نہ کر

اب دل کا ہے ویران چمن وہ گل ہیں کہاں کیسا گلشن

ٹھہرا ہے قفس ہی اپنا وطن صیاد مجھے آزاد نہ کر

دم توڑ رہا ہے دیکھ ذرا عاشق ہے ترا کشتہ ہے ترا

اے موہنی صورت والے حسیں محبوب کو یوں برباد نہ کر