اس بزم کو مہکاؤ پہلے کی طرح پھر سے

اس بزم کو مہکاؤ پہلے کی طرح پھر سے

محفل میں چلے آؤ پہلے کی طرح پھر سے

نظروں سے گرے ہو تم اب تو یہ نہیں ممکن

نظروں میں سما جاؤ پہلے کی طرح پھر سے

یہ دل تو مرا دل ہے تم ٹوٹا ہوا شیشہ

لو جوڑ کے بتلاؤ پہلے کی طرح پھر سے

مشکل سے تو سنبھلے ہیں پھر ہوش نہ کھو بیٹھیں

چلمن کو نہ سرکاؤ پہلے کی طرح پھر سے

تم پھول تو ہو لیکن ڈالی سے جدا ہو کر

ممکن نہیں کھل پاؤ پہلے کی طرح پھر سے

یہ آج کا رہبر ہے بھٹکا کے ہی دم لے گا

سالار کوئی لاؤ پہلے کی طرح پھر سے

خاموش ہو برسوں سے اظہارؔ محبت کا

نغمہ تو کوئی گاؤ پہلے کی طرح سے پھر سے