الٰہی خیر کرنا عشق کی منزل پریشاں ہے

الٰہی خیر کرنا عشق کی منزل پریشاں ہے

ادھر ہے اضطراب دل ادھر قاتل پریشاں ہے

سنا نالہ جو کرتے مجھ کو غیروں سے یہ فرمایا

وحی آواز ہے یہ جس سے میرا دل پریشاں ہے

نگاہ ناز نے مقتل بنا رکھا ہے عالم کو

کوئی دم توڑتا ہے اور کوئی بسمل پریشاں ہے

بگولہ جب کوئی اٹھا سبا صحرا میں چلائی

غبار قیس تھم جا پردۂ محمل پریشاں ہے

نہ جانے کب میسر ہو وصال یار اے مننؔ

کہ اس کے ہجر میں اپنا دل بسمل پریشاں ہے