مژدۂ وصل بہت دن سے روز سنا کرتے ہیں

مژدۂ وصل بہت دن سے روز سنا کرتے ہیں

سالہا گزرے کہ ہم روز گنا کرتے ہیں

آمد آمد کی خبر جب سے سنا کرتے ہیں

کون دن ہے کہ نہیں راہ تکا کرتے ہیں

نامہ بر سچ کہو وے نامہ کو کیا کرتے ہیں

کھول کر پڑھتے ہیں یا پھینک دیا کرتے ہیں

ایک اس بزم میں ہم مثل چراغ سحری

آتش ہجر سے ہر رات جلا کرتے ہیں

یارب اس عشق میں بدنام کہاں تک ہوں گے

ایک عالم ہیں کہ انگشت نما کرتے ہیں

دام میں زلف کے یحیٰؔ کو پھنسایا جب سے

سو پچاس آتے ہیں ہر روز بجھا کرتے ہیں